Би багадаа их олон гоё гоё мөрөөдөлтэй байж дээ. Ер нь хүн болгон л тийм байдаг байх. Харин бодоод байхад тэдгээр мөрөөдлүүдээс биелсэн, биелүүлсэн нь хэд билээ? За санах гээд оролдъё..
Би багадаа их хуулан бичлэг хийдэг хүүхэд байж билээ. Тэгээд нэг дүгээр ангидаа бил үү ангийн цэвэр бичгийн аварга болж байсан юм. Тэр үед энэ их хуулж бичсэн сэдэвүүдээ цуглуулж байгаад нэгдүгээр ангийн унших бичиг гээд ном гаргана гэж боддог байж дээ. Инээдтэй байгаа биз
Багад бас их сайн зураг зурдаг байж. Сургуулийнхаа зургийн дугуйланд яваад овоо эв дүйтэй болсон байсан шиг санаж байна. Золтой л зургийн үзэсгэлэн гаргана гэж солиороогүй байх. Ямарч байсан уул тал, ус горхи, хөдөө нутгийг бол будаг бийр нийлүүлээл зурдаг байж дээ.
Сүүлдээ дунд ангид ороод эссе шүлэг бичих гэж оролдсон, бас л ном гаргана гээд л бодоод явж байсан байх. Харж л байя ном гаргах эсэх ээ /үргэлжлэл бий/
Сэтгэгдэлгүй байна